Aufruf zur Kinderfasnacht Aesch

 

Sali zämme!
 
D'Fasnacht ruckt nöcher und alli sin am organisiere. Drum chum ich jetzt au no mit Infos und ere Bitt:
 
Am (Schmutzige) Donnstig, 19.02.2009 fiire unseri Schuele d Kinderfasnacht. Wie au scho in de letschte Joor wärs toll, wenn mir wider e Gugge hätte, wo die beide Umzüg begleite.
 
D Pfäffiger Kinderfasnacht findet am Morge vom 9i bis öppe am 11i statt.                            
Träffpunkt: viertel vor 9i vor dr Mehrzwäckhalle Pfäffige (unde am Schuelhuus)
 
D Aescher Kinderfasnacht findet am Nomidaag vom 2 bis öppe am 4i statt.
Träffpunkt: ab de eins im Pub oder spötistens am viertel vor zwei ufem Schuelhuusplatz Neumatt
 
Wie gseit, es wär lessig, wenn mr e paar wäre, wo zämme schränze. Bitte informiered euri Mitglieder und legeds ihne echli ans Härz. Au wenn dir öpper vonere andere Gugge kenned, wo gärn würde mitmache, denn isch das natürlich kei Problem. Sölle alli cho!!!
 
Ich wünsch euch bis zur Fasnacht e gueti Zyt.
 
Liebs Grüessli

Judith

Home	News	Über uns	Mitglieder	Musik
	Fotos	Gästebuch	Kontakt	Member	Links